Dispozita për atë që sheh gjak në rrobat e tij gjatë namazit

Pyetja:

U fala si imam me njerëzit dhe pashë gjak në rrobën time. Cila është dispozita e namazit tim? Dhe cila është dispozita e namazit të xhematit?

Përgjigjja:

Nëse gjaku që gjendet në rrobën tënde është i pakët, atëherë ai tolerohet.

E nëse është i shumtë dhe ti nuk ke ditur për të veçse pas namazit, atëherë namazi yt dhe namazi i atyre që u falën pas teje është i saktë. Mirëpo, obligohesh ta lash atë për namazet e ardhshme.

E nëse ke ditur për të gjatë namazit dhe ke mundësi ta heqësh rrobën në të cilën gjendet gjaku, atëherë e heq atë dhe vazhdon namazin, ashtu siç veproi Pejgamberi salAllahu alejhi ue selem me nallanet e tij.

E nëse nuk ke mundësi ta heqësh, atëherë largohesh nga namazi, cakton dikë tjetër që ta plotësojë namazin me xhematin, e lan atë rrobë, pastaj e fillon namazin prej fillimit (përsërit).

(Lexhnetu Daime, Nr. 18433)

Përktheu: Besim Gjelaj