Vlera e ditëve të Dhil-hixh-xhes

Sa i përket vlerës së këtyre ditëve, ditëve të Dhil-hixh-xhes, aludon Kur’ani dhe Suneti. Në Kur’an thuhet:

“Pasha agimin! Pasha dhjetë netët! Pasha çiftin dhe tekin!”
(Fexhr 1-3).

Ibën Kethiri, Allahu e mëshiroftë ka thënë:

“Ka për qëllim dhjetë ditët e para të Dhul-hixh-xhes, kështu ka thënë: Ibën Abbasi, Ibën Zubejri, Muxhahidi e shumë të tjerë nga muslimanët e parë” (Tefsir Ibën Kethir)

Kurse Pejgamberi salAllahu alejhi ue selem ka thënë:

“Nuk ka ditë, ku vepra e mirë është më e dashur tek Allahu së sa këto ditë! Disa i thanë:
As lufta në rrugën e Allahut?
Tha: As lufta në rrugën e Allahut, përveç një njeri që del nga shtëpia e tij me vetën dhe pasurinë e tij,
e pastaj nuk kthehet me asgjë”
(Buhariu).

Ibën Kethiri, Allahu e mëshiroftë në Tefsirin e tij e shënon një hadith që transmetohet nga Xhabiri radijAllahu anhu, e që Pejgamberi salAllahu alejhi ue selem ka thënë:

“elAshri janë ditët e Dhil-Hixh-xhes, elVetri është dita e Arafatit, kurse eshShef’i është dita e therjes së Kurbanit”.
(Tefsir Ibën Kethir).

Përktheu: Hoxhë Besim Gjelaj