Në lidhje me çka po diskutojnë melajket?

Në lidhje me çka po diskutojnë melajket?

Transmetohet nga Ebu Ubejde ibnul-Xherrah, radijAllahu anhu, se i Dërguari i Allahut salAllahu alejhi ue selem, ka thënë

“E pashë Zotin tim në formën më të bukur.

Ai më tha: ‘Në lidhje me çka po diskutojnë melajket?’

Unë thashë: ‘Nuk e di.’

Atëherë Ai vendosi dorën e Tij midis shpatullave të mia, derisa ndjeva freskinë e majave të gishtave të Tij.

Pastaj më tha: ‘Në lidhje me çka po diskutojnë melajket?’

Thashë: ‘Në lidhje me veprat që shlyejnë mëkatet dhe ato që ngritin shkallët.’

Ai tha: ‘E cilat janë veprat që shlyejnë mëkatet?’

Thashë: ‘Marrja e abdesit në ditë të ftohta, ecja në këmbë drejt xhamisë për në namaz, dhe pritja e namazit pas namazit (duke qëndruar në xhami).’

Ai tha: ‘E cilat janë shkallët?’

Thashë: ‘Tu japish ushqimi të tjerëve, përhapja e selamit, dhe falja e namazit natën kur njerëzit flenë.’

Pastaj tha: ‘Thuaj.’

Thashë: ‘Çfarë të them?’

Tha: ‘Thuaj:

O Allah im! Ma mundëso të bëj vepra të mira, t’i braktisi të këqijat, dhe kur Ti dëshiron një sprovë (fitne) për një popull dhe unë jam në mesin e tyre, më merr tek Ti pa rënë në sprovë.’”

(Silsile es-Sahihah e shejh Albanit, hadithi nr. 3169)
Përktheu: Besim Gjelaj

اللَّهُمَّ إِنِّي أَسْأَلُكَ عَمَلًا بِالْحَسَنَاتِ، وَتَرْكًا لِلْمُنْكَرَاتِ، وَإِذَا أَرَدْتَ فِي قَوْمٍ فِتْنَةً، وَأَنَا فِيهِمْ، فَاقْبِضْنِي إِلَيْكَ غَيْرَ مَفْتُونٍ.

(Allahumme inni es’eluke amelen bil-hasenati, ue terken lil-munkerati, ue idhe ered’te fi kaumin fitneten, ue ene fihim, fek’bid’ni ilejke gajre meftun).