Murxhiat dhe qëndrimi i tyre ndaj imanit

Shejh Abdurr-Rrezzak el-Bedër, Allahu e ruajttë, thotë:

“Irxhaja, në kuptimin gjuhësor, do të thotë vonesë ose shtyrje. Allahu i Lartësuar thotë: قَالُوا أَرْجِهْ وَأَخَاهُ وَأَرْسِلْ فِي الْمَدَائِنِ حَاشِرِينَ

“Ata thanë: “Mbani pak mënjanë atë dhe vëllanë e tij dhe dërgoni nëpër qytete lajmëtarë që të tubojnë” (A’raf: 111)

Murxhiat u quajtën me këtë emër, sepse e vonuan veprën në raport me imanin, duke thënë se vepra nuk është pjesë përbërëse e imanit.

Më pas, murxhiat u ndanë në disa grupe:

Një grup thotë se imani është vetëm njohje.

Një grup thotë se imani është vetëm besimi me zemër.

Një grup thotë se imani është vetëm shqiptim me gjuhë.

Një grup thotë se imani është vetëm shqiptim me gjuhë dhe besim me zemër.

Ata dallojnë mes tyre në shkallën e irxhasë, por janë të gjithë të një mendimi se veprat nuk janë pjesë përberëse e imanit.”

(Et-Tuh’fetus-Senijjeh, Sher’h Mandhumeti Ibën Ebi Davud el-Haijjetu, f. 101)

Përktheu: Besim Gjelaj