A e prishin vesveset (shpërqendrimet) namazin? Dhe cili është trajtimi i tyre?
A e prishin vesveset (shpërqendrimet) namazin? Dhe cili është trajtimi i tyre?
Pyetja:
Unë shpesh humbas përqendrimin në namaz dhe më shkon mendja në çështje të dynjasë. Sa herë kam provuar të largohem nga ky zakon i keq, nuk kam mundur. Iu drejtova një ditë një burri të ditur pasi u falëm pas tij dhe ai më tha: “Nuk ke namaz.”
A është e vërtetë kjo?
Përgjigjja:
Fjala e tij “nuk ke namaz”, nëse ka për qëllim: nuk ke namaz të plotë, të përsosur, atëherë kjo është e vërtetë; sepse hutimet dhe vesveset në namaz e pakësojnë shpërblimin e tij.
Por nëse me këtë ka dashur të thotë se namazi yt është i pavlefshëm, atëherë këtë e kanë thënë disa dijetarë, të cilët mendojnë se: nëse vesveset e mbizotërojnë shumicën e namazit, atëherë ai duhet përsëritur.
Nuk e di për këtë imam; ndoshta ai ka pyetur një dijetar që e ka këtë mendim, prandaj ai të ka folur sipas mendimit të tij.
Mirëpo shumica (xhumhuri) dërrmuese e dijetarëve janë të mendimit se vesveset nuk e prishin namazin, edhe nëse janë të shumta.
Sepse Pejgamberi salAllahu alejhi ue selem ka treguar se shejtani i vjen njeriut në namaz dhe i thotë:
“Kujto këtë, kujto atë…”, gjëra që më parë nuk i kishte menduar.
Pejgamberi salAllahu alejhi ue selem nuk e kufizoi këtë vetëm në një pjesë të namazit apo në shumicën e tij, por e tha në përgjithësi.
Megjithatë, ne themi se njeriu duhet t’i largojë këto vesvese ashtu siç ka udhëzuar Pejgamberi salAllahu alejhi ue selem, ku ka thënë:
“Të kërkojë strehim tek Allahu (eudhu bil-Lahi minesh-shejtanir-rraxhim) dhe të pështyjë në të majtë tri herë.”
Nëse e bën këtë, Allahu do t’ia largojë ato që ndien.
Transmetuesi ka thënë dhe ai është sahabi:
“E bëra këtë, dhe Allahu m’i largoi ato.”
Ky është ilaçi i dobishëm për të cilin ka udhëzuar i Dërguari i Allahut salAllahu alejhi ue selem.
Shejh Ibën Uthejmini, Allahu e mëshiroftë!
(Nurun ala Dërb, Nr. 56)
Përktheu: Besim Gjelaj
Pyetja:
Unë shpesh humbas përqendrimin në namaz dhe më shkon mendja në çështje të dynjasë. Sa herë kam provuar të largohem nga ky zakon i keq, nuk kam mundur. Iu drejtova një ditë një burri të ditur pasi u falëm pas tij dhe ai më tha: “Nuk ke namaz.”
A është e vërtetë kjo?
Përgjigjja:
Fjala e tij “nuk ke namaz”, nëse ka për qëllim: nuk ke namaz të plotë, të përsosur, atëherë kjo është e vërtetë; sepse hutimet dhe vesveset në namaz e pakësojnë shpërblimin e tij.
Por nëse me këtë ka dashur të thotë se namazi yt është i pavlefshëm, atëherë këtë e kanë thënë disa dijetarë, të cilët mendojnë se: nëse vesveset e mbizotërojnë shumicën e namazit, atëherë ai duhet përsëritur.
Nuk e di për këtë imam; ndoshta ai ka pyetur një dijetar që e ka këtë mendim, prandaj ai të ka folur sipas mendimit të tij.
Mirëpo shumica (xhumhuri) dërrmuese e dijetarëve janë të mendimit se vesveset nuk e prishin namazin, edhe nëse janë të shumta.
Sepse Pejgamberi salAllahu alejhi ue selem ka treguar se shejtani i vjen njeriut në namaz dhe i thotë:
“Kujto këtë, kujto atë…”, gjëra që më parë nuk i kishte menduar.
Pejgamberi salAllahu alejhi ue selem nuk e kufizoi këtë vetëm në një pjesë të namazit apo në shumicën e tij, por e tha në përgjithësi.
Megjithatë, ne themi se njeriu duhet t’i largojë këto vesvese ashtu siç ka udhëzuar Pejgamberi salAllahu alejhi ue selem, ku ka thënë:
“Të kërkojë strehim tek Allahu (eudhu bil-Lahi minesh-shejtanir-rraxhim) dhe të pështyjë në të majtë tri herë.”
Nëse e bën këtë, Allahu do t’ia largojë ato që ndien.
Transmetuesi ka thënë dhe ai është sahabi:
“E bëra këtë, dhe Allahu m’i largoi ato.”
Ky është ilaçi i dobishëm për të cilin ka udhëzuar i Dërguari i Allahut salAllahu alejhi ue selem.
Shejh Ibën Uthejmini, Allahu e mëshiroftë!
(Nurun ala Dërb, Nr. 56)
Përktheu: Besim Gjelaj