Tregim i çuditshëm!

Një tregim i çuditshëm që e ka përmendur Ibën Kethir, Allahu e mëshiroftë, në biografinë e shejh Muhamed ibën Mensur el-Kabberijj, Allahu e mëshiroftë. Ku thotë:

Ai ishte shumë i devotshëm, i ushqente njerëzit nga frutat e tij, urdhëronte për të mirë dhe ndalonte nga e keqja. Ndër gjërat e çuditshme që janë treguar për të është:

Se ai i kishte shitur një kafshë një njeriu. Pas disa ditësh, ai njeri erdhi dhe tha:

“O zotëri, kjo kafshë nuk ha asgjë tek unë!”

Shejhu e shikoi dhe i tha:

“Me çfarë merresh (çfarë pune bën)?”

Ai tha:

“Jam valltar nëpër klube!”

Atëherë shejhu tha:

“Kafsha jonë nuk ha haram.”

Pastaj hyri në shtëpinë e tij, ia dha paratë (dhe e ktheu kafshën).

(El-Bidaje uen-Nihaje, 17/456)

Përktheu: Besim Gjelaj