Gjykimi mbi gëlltitjen e mbetjeve

Gjykimi mbi gëlltitjen e mbetjeve të ushqimit që ndodhen në gojën e agjëruesit!

Pyetje:

Allahu ju shpërbleftë me të mira! Në pyetjen e saj të fundit, një motër thotë:

“Nëse agjëruesi gëlltit disa mbetje ushqimi që ndodhen në gojën e tij, a prishet agjërimi i tij?”

Përgjigjja:

“Nëse kjo ndodh pa dëshirën e agjëruesit, atëherë agjërimi nuk prishet. Po ashtu, nëse ai e gëlltit duke menduar se nuk e prish agjërimin, atëherë agjërimi i tij mbetet i vlefshëm.

Por, nëse ai e di se kjo e prish agjërimin dhe e gëlltit me qëllim dhe me vetëdije, atëherë ai ka bërë mëkat. Nëse agjërimi ishte i detyrueshëm (farz), do t’i duhet ta kompensojë atë ditë. Ndërsa, nëse agjërimi ishte vullnetar (nafile), ai nuk është mëkatar, por agjërimi i tij nuk është i vlefshëm për atë ditë.”

Shejh Ibën Uthejmin, Allahu e mëshiroftë!

| Fetawa Nurun ‘ala Dërb, 368 |

Përktheu: Besim Gjelaj