Emrat e Allahut!

Në dy përmbledhjet e sakta (Buhari dhe Muslimi) transmetohet nga Ebu Hurejre, radijAllahu anhu, se i Dërguari i Allahut salAllahu alejhi ue selem, ka thënë:

“Allahu ka nëntëdhjetë e nëntë emra, njëqind pa një; kush i përfshin (i numëron dhe vepron sipas tyre), do të hyjë në Xhenet.”

(Buhariu dhe Muslimi).

Ibën Haxheri, Allahu e mëshiroftë, ka thënë:

“Qëllimi me ‘përfshirjen’ (ihsa) nuk është vetëm t’i numërosh, sepse mund t’i numërojë edhe një mëkatar; por qëllimi është të veprohet sipas tyre.”

(Fet’hul-Bari 11/226).

Ibnul-Kajjimi, Allahu e mëshiroftë, për këtë çështje, ka përmendur se përfshirja ka tri kategori:

1.Kategoria e parë: Numërimi dhe mësimi i emrave

2.Kategoria e dytë: Kuptimi i domethënieve dhe kuptimeve të tyre

3.Kategoria e tretë: Lutja ndaj Allahut me to, që përfshin si lutjen e adhurimit, ashtu edhe lutjen e kërkesës

(Et-Teudih uel-Bejan f. 26)

Përktheu: Besim Gjelaj